Rechters 10
01Noa Abimelech kwam Tola, n man oet stam Issachar, om Israël te bevrijden. Hai was ter ain van Pua, n noazoat van Dodo. Wonen dee e in Samir, in t baarglaand van Efraïm.
02Drijentwinneg joar bestuurde hai t laand. Dou kwam e oet tied en wer in Samir begroaven.
03Noa hom kwam Jaïr oet Gilead. Dij bestuurde t laand Israël twijentwinneg joar.
04Man haar datteg zeuns. Ale datteg reden ze op n ezelhengst en elk was boas over n dörp. Tot aan vandoag tou worden dizze dörpen nog aaltied "Jaïrs Dörpen" nuimd. Ze liggen in Gilead.
05Noa zien dood wer Jaïr begroaven in Kamon.
|